Hvað segja hörð vísindi um hönnun?

Samkvæmt rannsóknum ná fyrirtæki sem forgangsraða hönnun mun meiri árangri en þau sem ekki gera það. Hönnunardrifin fyrirtæki skiluðu 228% meiri hagnaði en samanburðarfyrirtæki (S&P 500) á 10 ára tímabili skv. gögnum Design Management Institute (2014). Tekjur vaxa 32% hraðar og arðsemi er 56% meiri hjá hönnunardrifnum fyrirtækjum skv. rannsókn McKinsey (2018).

‍

Hönnun snýst ekki bara um ásýnd

Hönnun snýst ekki bara um að láta hluti líta vel út. Hönnun snýst um heildarupplifun og að hlutir virki fyrir fólk. Góð hönnun skiptir öllu máli fyrir notendaupplifun og skilar virði í formi aukinna viðskipta og hollustu.

‍

Áferðin skiptir líka máli

Í dag er erfitt að vera fyrst á svæðið í stafrænni nálgun við viðskiptavini. Það þýðir að það hvernig þjónustunni er pakkað inn getur skipt höfuðmáli. Mörkun og stafræn ásýnd getur hjálpað vörumerkinu þínu að grípa athygli fólks og ná fram þeim hughrifum sem sóst er eftir.