Troðnar eða ótroðnar slóðir?

Sum öpp eru búin til á stuttum tíma og breytast lítið. Önnur eru í sífelldri þróun til lengri tíma. Í mörgum verkefnum eru þarfir notenda fyrirséðar og sambærileg öpp í boði fyrir sambærilega þjónustu. Þá er hægt að einblína á að gera notendaupplifunina framúrskarandi, koma appinu hratt í loftið og sinna með litlu viðhaldi. Þegar verið er að fara ótroðnar slóðir og engin fyrirmynd til staðar þarf að kafa djúpt í nýsköpun og þróa vöruna skref fyrir skref, í lengri vegferð. Við mælum með þeirri nálgun sem hentar hverju sinni.

‍

Þarf alltaf að vera app?

Þú kemst ekki nær notandanum en í gegnum app. Góð þumalputtaregla er að app getur stórbætt þjónustuupplifunina ef viðskiptavinir þínir þurfa á síendurtekinni þjónustu að halda. Eins skiptis skráningar í viðskipti og óregluleg þjónusta á hins vegar betur heima á vef. Eins og með allar stafrænar lausnir þá borgar sig alltaf að horfa á hvaða tilgangi lausnin á að þjóna og skoða alla möguleika í stöðunni áður en tekin er ákvörðun um hvað á að búa til.