Sveigjanlegt samstarf á traustum grunni

Hjá Kolibri byggjum við á hönnunarhugsun í okkar vefsíðugerð. Við viljum skilja viðskiptamarkmiðin og mynda samkennd með notendum. Við komumst svo saman að kjarna málsins og gerum plan til að vefurinn fari sem fyrst í loftið. Að öðru leyti er nálgun okkar sveigjanleg. Þarfir viðskiptavina okkar eru alls konar. Sum þeirra þurfa endurmörkun fyrir stafræna miðla, efnishönnun eða tengingar við eigin kerfi. Öðrum nægir að byggja á eigin vinnu og nýta reynslu okkar og sérþekkingu á margreyndum aðferðum. Við vinnum þétt með okkar viðskiptavinum og stöndum með því sem er réttast og hagkvæmast að gera fyrir hvert verkefni.

‍

Hvort þarf að uppfæra eða endurnýja vefinn?

Það getur verið snúið að uppfæra vef sem er kominn til ára sinna og hefur ekki verið sinnt. Oft er bæði notendaviðmótið og ásýndin fléttuð saman við eldra vefumsjónarkerfi. Í þessum tilfellum er líklegt að það sé besta lausnin að hanna og þróa nýjan vef frá grunni. En ef grunnurinn er góður getur verið betra að byggja á honum og horfa frekar til vefbestunar.

‍

Keyra á þetta... eða byrja smátt?

Við njótum okkar best í fullri keyrslu með allt undir, en stundum þarf bara að taka fyrsta skrefið. Í þeim tilfellum er gott að hefja samstarf á afmörkuðum þáttum, t.d. ráðgjöf, stefnumótun, hönnunarspretti, eða taka fyrir ákveðna hluta vefsins. Hafðu samband til að sjá hvað við getum gert saman!