Sólstöður

Sólstöður vantaði bæði vörumerki og heimili á vefnum með upplýsingum fyrir viðskiptavini, almenning og fjölmiðla. Kolibri hannaði ásýnd vörumerkis og vefs. Myndmerkið er skírskotun í nafn félagsins og merkingu þess, en sólstöður eru táknræn tímamót líkt og þegar fólk hefur nýtt líf í nýju landi. Einnig er mikið lagt upp úr mjúkum formum, vingjarnlegheitum og hlýju með litunum, ásýndinni og myndlýsingunum.

Meginmarkmið vefsins er að kynna þjónustu Sólstaða fyrir erlendum hjúkrunarfræðingum sem hafa áhuga á að færa sig um set, og íslenskum heilbrigðisstofnunum sem vantar starfsfólk. Niðurstaðan var að setja góðar upplýsingar fram í hnitmiðuðum og læsilegum texta. Lagt var upp með að íslenska hliðin yrði eingöngu fyrir heilbrigðisstofnanir og enska hliðin eingöngu fyrir hjúkrunarfræðinga.

Myndskreytingar Ásdísar Hönnu eiga ríkan þátt í einstakri ásýnd vefsins og vörumerkisins. Leitast er við að endurspegla fjölbreytni, samkennd sem og gefa innsýn í starf hjúkrunarfræðinga á Íslandi.

‍