Sóltún

Kolibri hannaði ásýnd og nýtt vörumerki í samvinnu við Sóltún. Á hjúkrunarheimilum Sóltúns rýkir umhyggja og hlýja sem smitast yfir í rödd, litapallettu, merki og leturval.

Hugmyndin á bak við merkið er „margar hendur vinna létt verk“ - að túlka samvinnu á abstrakt hátt. Ytri formin tákna manneskjur sem haldast í hendur í hring. Hringformið er kjarni málsins og öll hjálpast þau að við að leysa það.

Vefur Sóltúns er byggður á „content first“ nálgun og notendamiðaðri hönnun þar sem markmiðið er að miðla þeim upplýsingum sem aðstandendur eldra fólks eru að leita að á einfaldan og hnitmiðaðan hátt. Kolibri vann heildstæða efnis- og ritstefnu fyrir vefinn og annað efni, sem er hluti af nýjum hönnunarstaðli Sóltúns.

Axel Sigurðarson tók ljósmyndirnar sem setja mikinn svip á vefinn. Ljósmyndastíllinn leitar í varma og hlýju. Myndirnar fanga á einstakan hátt andrúmsloftið, starfsemina og aðstöðuna á heimilunum.