World Class

Markmið World Class var að gera nýjan vef að fyrstu snertingui nýrra og tilfallandi viðskiptavina. Hugmyndin var að vefurinn gæti orðið besti og afkastamesti sölu- og þjónustufulltrúi fyrirtækisins.

Áskorunin fólst í því að hanna vef sem væri bæði notendamiðaður og söluhvetjandi. Vef sem nýtir á hagkvæman hátt tilbúnar lausnir og viðmót, en býður um leið upp á heildstæða og saumlausa upplifun þvert á þessar lausnir.

Í vegferðinni, sem hófst síðla árs 2022, eru margar nýjungar og breytingar sem bæta þjónustu við viðskiptavini og auka sjálfsafgreiðslu. Sumar þeirra voru innleiddar fyrir gangsetningu vefsins. Meðal annars er um að ræða:

• Nýtt bókunarkerfi (Noona) fyrir nudd, dekur og heilsulindir
• Vefverslun (Shopify)fyrir WCGW og aðrar vörulínur World Class
• Nýtt skráningarkerfi (Abler) fyrir opna tíma og æfingar
• Nýr tæknistakkur, vefumsjónarkerfi og hýsing í skýinu

Með nýjum vef hafa fjölmörg markmið náðst sem hafa bætt þjónustu við viðskiptavini, einfaldað upplýsingagjöf og hagrætt í þjónustunni.

• Einfalt er að komast að því efni sem leitað er að. Allt leiðakerfi og uppbygging er þjónustumiðuð og vefté er sýnilegt í heild sinni í hausnum.
• Hönnun og upplifun er heildstæð, óháð mismunandi kerfum sem notuð eru til að þjónusta og afgreiða viðskiptavini.
• Vefurinn er hraður og skalast vel í snjallsímum.
• Auðvelt er fyrir World Class að bæta við og breyta efni. Þjónustuskilaboð koma á áberandi stað og auðvelt er að koma þeim hratt til viðskiptavina.

‍